Es grüßen Euch, Ihr Freunde all, die Sänger aus dem Ampertal
Amperthaler Sängerrunde in Kirchdorf im Ampertal
Wir begrüßen alle Freunde unseres Männerchores und alle, die Interesse am Singen oder an Kirchdorf im Landkreis Freising haben.
Ois Guade, Jagge !
Da Chorleiter a echta 60`zga
Am 25. Juli 2024 is unsa Chorleiter, Jakob Högl, 60`zge worn.
Feiern, des mog da Jagge übahapt ned. „Braucht koana kemma, bin eh ned dahoam,“ so de Ansage. War gor ned so oafach für uns, weil gratuliern woid ma mia scho, und a Gschenk soid er ja aa griagn vo uns. Do fahr ma mid eahm furt, a scheene Schiffsreise auf da Donau – „candlelightdinner“ – aufm Schiff – subba, mach ma!
Na, des mog er ja doch ned, wieda gstricha. Fahr ma ausse zu eahm und gratuliern. Na, mog er a ned, und er is ja a ned do.
„Er griagt an Zuschuss für an Apfebaam auf sei Streuobstwiesn, und i schnitz den Obstbaam!“ so hod da Albert Reichart vorgschlogn. Olle warn einstimmig dafür.
Und i glab, jeda war mit dera Entscheidung zfriedn.
Bsonders da Jagge, er kon see den Baam seiner Wünsche vom Fachmann hoin und muass ned gezwungen feiern.
Olles richtig gmacht.
Jagge, numoi ois erdenklich Guade, Gsundheid, Glück und Zufriedenheid! Des wünschn dir deine Manna vo da Amperthaler Sängerrunde und sei Sängerfrau Renate.
2001 is da Jagge zu uns ois Aushilfe kemma, und jetz hod er doch scho 23 Johr unsern Chor durch viele Veranstaltungen und Auftritte mit Bravour gführt.
Jagge, danke dafür und no vui gemeinsame Sangesstunden mit dir ois Chorleiter!
Bilder: Albert Reichart und Günther Frank (von der Chorprobe am Donnerstag, den 26. Sept)