Danke Martin — unsa Internetmo hod aufghört.
Unsa Webseitnbetreuer da Wagner Martin hod leida aufghört. Dee Webseitn vo da Amperthaler Sängerrunde war in seina Hand vo Oktober 2022 bis zum Dezember 2024, er war da Nachfolger vom Krahl Done, der diese Internetseitn ins Lebm gruaffa hod. Dee Seitn hod a neis Gsicht griagt beim Martin, weil´s er so mit seim Programm einfach guad betreun hod kinna und ned weil´s vorher schlecht war. Es is ois subba ohglegt, leicht komma ois finden und olle Infos, warn einfach blitzschnai im Internet, wenn da Martin des Material von uns griagt hod. Am schnaistn war nadürle ois einegstaid, wenn er saiba dabei war – Foto´s , Filme oder Tonaufnahmen gmacht hod, dann is des am gleichn Dog no drin gwen.
Ja, hoid no a scheene Anmerkung:
Es gehd weida mit unsra Seitn.
Nooch geduldigem suacha eines ‚Freiwilligen , der dee Sach übanimmt – koana hod see gmaid – is eines Tages nooch da Singprob unsa Schatzmeista , da Johann Pfeiffer , zu uns herganga und hod ganz leise gsagt: „Leid, es muaß weidageh mid unsra Seitn, des is mia a Herzensangelegnheit —- i mach´s. I hob mit´m Martin scho vui Gespräche ghabt, i glab i bring des hi, aba sogt´s es no koam, des mach i dann saiba. Da Martin huift mia scho, wenn i nimma weidawoaß.“ Und so is jetz da Pfeiffer Hans, unsa Schatzmeista, der neie Webmaster vo da Amperthaler Sängerrunde.
I find des subba, dass´ weida gehd.
Johann vielen Dank an dera Stai vo uns olle.